Paub koj tej cai
Yog koj xav tau kev pab txhais lus koj thiaj qhia tau koj zaj lus tim khawv tim ntsej tim muag, cia li thov kev pab ntawm Metro Pawg Sab Laj lub hoob kas tus xov tooj yog 503-797-1916 yuav tsum ua li ntawd tsawg kawg nkaus tsib hnub ua hauj lwm ua ntej txoj kev sab laj ntawd.
Yog koj xav tau kev pab los sis kev pab cuam dab tsi vim koj xiam hoob qhab los yog kom hais tau koj zaj lus tim khawv tim ntsej tim muag, cia li thov kev pab ntawm Metro Pawg Sab Laj lub hoob kas tus xov tooj yog 503-797-1916 yuav tsum ua li ntawd tsawg kawg nkaus 24 xuab moos ua ntej txoj kev sab laj ntawd.
Kawm ntxiv
Koj muaj cai qhia koj tej lus, koj xav li cas thiab tej tswv yim rau Metro Pawg Sab Laj ua ob peb yam. Tej zaum koj cov tswv yim yuav pab lawv txiav txim siab txog tej kev cai. Qhov ntawd yuav muab khaws cia hauv cov ntaub ntawv uas lawv siv thaum txiav txim txog peb cheeb tsam.
Koj muaj cai hais lus tim khawv hauv:
Pawg sab laj tej kev sib ntsib
Thaum pib pawg sab laj txhua txoj kev sab laj, Metro Pawg Sab Laj tus thawj coj yuav caw tib neeg los hais lus tim khawv txog tej yam uas lawv tham txog los sis tej yam uas lawv tsis tau npaj yuav tham txog los tau thiab. Hauv pawg sab laj txoj kev sib ntsib qhov no hu ua “pej xeem cov lus qhia (public communications).”
Pej xeem rooj sib hais txog tej kev cai
Txoj kev cai yuam kom Metro Pawg Sab Laj tej kev sib ntsib no yuav qhib cia rau cov pej xeem muaj rooj sib hais. Nyob hauv pej xeem kev sib hais txog tej kev cai no, cov pej xeem sawv daws muaj cai los hais lawv tej lus ua ntej pawg sab laj yuav tsa ib txoj kev cai twg.
Pej xeem rooj sib hais txog tej kev txiav txim
Txoj kev cai tsis yuam kom muaj pej xeem rooj sib hais thaum pawg sab laj yuav txiav txim txog ib yam. Tiam sis pawg sab laj tus thawj coj mam li xaiv seb nws puas pub muaj pej xeem rooj sib hais thaum yuav muaj ib txoj kev txiav txim los tau.
Koj kuj muaj cai sau koj tej lus nyob online
Koj muaj cai qhia koj zaj lus tim khawv mus rau Metro Pawg Sab Laj nyob online thaum twg los tau. Xa koj tej lus ua ntej 4 teev tsaus ntuj hnub ua ntej Metro Pawg Sab Laj txoj kev sib ntsib xwv kom koj cov lus yuav nyob hauv txoj kev sib ntsib ntawd cov ntaub ntawv. Ua ntej pib tej kev sib ntsib, cov neeg hauv Metro Pawg Sab Laj yuav txais cov lus uas sawv daws xa mus ua ntej lub sij hawm uas teem tseg ntawd.
Xa cov lus online
Yuav hais lus li cas hauv ib txoj kev sib ntsib
Txhua txoj kev sib ntsib yuav ua nyob online mus txog thaum peb ua ntawv ceeb toom hais tias yuav ua lwm yam. Yog xav hais lus hauv Metro Pawg Sab Laj ib txoj kev sib ntsib nyob online:
Ua ntej txoj kev sib ntsib
- Saib daim ntawv teev seb yuav tham txog dab tsi yog xav paub seb lawv puas yuav tham txog qhov uas koj xav sib tham txog. Tej lus uas sau tseg txog tej yam uas tsis nyob hauv daim ntawv teev tseg ntawd yuav tsum hais tawm thaum lawv pib txoj kev sib ntsib. Tej zaj lus tim khawv txog ib txoj kev cai tsuas yog sib tham txog tej ntawd hauv ib txoj kev sib ntsib uas twb teem tseg hais tias yuav tham txog qhov ntawd.
- (Yeem) Sau npe ua ntej los ntawm emailing Tus Kws Lij Choj Kev Cai ntawm [email protected]. Qhia tus kws dhia haujlwm paub yog tias koj xav tawm tswvyim txog cov ncauj lus ntawm lub rooj sib tham. Cov tib neeg uas kos npe tsis pub dhau hnub tsis muaj hnub ntawm lub rooj sib tham yuav nyob ntawm kab ntawm kab kom tawm lus. Kev suam npe ua ntej tsis tas yuav tsum tawm lus tshaj tawm rau pej xeem.
- Tib neeg zaj lus tim khawv yuav tsum tsawg tshaj peb na this. Tej zaum yuav pab yog koj xyaum koj cov lus ua ntej seb koj puas hais raws sij hawm, thiab npaj ib tug qauv rau koj cov lus tsis txhob nyeem raws nraim li koj sau tseg xwb. Yog tias muaj neeg coob uas teem caij tuaj hais lus tim khawv, ces tej zaum lawv yuav txiav qhov peb na this rau txhua tus neeg xwv kom sawv daws yuav muaj sij hawm los hais lus thiab.
Nyob hauv kev sib ntsib nyob online
- Hnub uas muaj kev sib ntsib, xyuas Metro Pawg Sab Laj Daim Ntawv Suav Hnub. Nrhiav txoj kev sib ntsib uas koj xav koom thiab nias qhov uas txuas koj mus rau kev sib ntsib ntawd hauv koj lub computer. Yog koj xav siv xov tooj xwb, ces ntaus tus naj npawb xov tooj uas lawv sau hauv phab web ntawd. Pib txuas mus ob peb na this ua ntej yuav pib yog tias nov yog thawj zaug uas koj yuav koom ib txoj kev sib ntsib online.
- Tos txog lub sij hawm uas pub cov pej xeem hais lus, los sis lub sij hawm uas pej xeem muaj rooj sib hais txog ib txoj kev cai. Lawv yuav hu koj lub npe thaum txog koj thib, yog tias koj twb tso npe ua ntej. Yog koj tsis tau tso npe ua ntej, mloog seb lawv thov tib neeg los “tsa tes” hauv hluav taws xob.
- Pib koj zaj lus tim khawv thaum hais tias, “Kom sau hauv ntaub ntawv kuv lub npe yog ______.”
- Hais lus rau pawg sab laj hais tias, “Pawg sab laj tus thawj coj thiab pawg sab laj cov tswv cuab.”
- Yog koj tham txog pawg sab laj ib txoj kev txiav txim, qhia seb koj puas pom zoo los sis tsis pom zoo rau txoj kev txiav txim ntawd. Piav me me seb yog vim li cas koj xav li ntawd. Txhawb nqa koj cov lus thaum qhia tej qhov tseeb uas koj paub txog qhov ntawd.
Yuav hais koj cov lus li cas thaum tuaj tim ntsej tim muag
Pawg sab laj chav tsev nyob hauv Metro Regional Center, 600 NE Grand Ave. hauv Lloyd District of Portland.
Thov kom paub tias tag nrho Metro tej kev sib ntsib tsuas ua hauv Zoom tas sim no vim yog muaj tus phaum mob COVID-19. Yog koj xav tau kev pab txuas mus rau kev sib ntsib online, thov hu mus rau tus Kws Saib Xyuas Pawg Tsim Cai nyob ntawm 503-797-1916 yuav tsum ua li ntawd tsawg kawg nkaus 2 hnub ua hauj lwm ua ntej txoj kev sab laj ntawd.
Ua ntej txoj kev sib ntsib
- Saib cov ntawv uas teev seb yuav tham txog dab tsi ua ntej nyob online los sis hauv pawg sab laj chav tsev kom thiaj xyuas tau seb qhov uas koj xav tham txog puas nyob hauv daim ntawv teev tseg.
- Tsuas pub txhua tus tib neeg hais zaj lus tim khawv rau peb na this xwb. Tej zaum yuav pab yog koj xyaum koj cov lus ua ntej seb koj puas hais raws sij hawm, thiab npaj ib tug qauv rau koj cov lus tsis txhob nyeem raws nraim li koj sau tseg xwb. Yog tias muaj neeg coob uas teem caij tuaj hais lus tim khawv, ces tej zaum lawv yuav txiav qhov peb na this rau txhua tus neeg xwv kom sawv daws yuav muaj sij hawm los hais lus thiab.
- Nqa 10 (kaum) daim luam txog koj cov ntaub ntawv, zoo li daim pheem thib los sis lwm yam ntawv, thiab ib daim luam ntxiv txog koj cov lus tim khawv. Muab cov ntawv no rau tus neeg saib xyuas pawg tsim kev cai thaum lawv hu koj los ua tim khawv.
Nyob hauv kev sib ntsib
- Yog koj tuaj txog txoj kev sib ntsib thiab qhov uas koj xav tham txog tsis nyob hauv daim ntawv teev tseg no, nug tus kws saib xyuas pawg tsim kev cai seb puas tsim nyog koj hais lus thaum lub sij hawm lawv cia pej xeem los hais lus tim khawv, los sis koj puas yuav tsum rov qab tuaj lwm lub sij hawm uas lawv yuav tham txog qhov ntawd.
- Ua ib daim ntawv txog kev hais lus tim khawv uas muaj koj lub npe, chaw nyob thiab yam uas koj tham txog hauv daim ntawv teev tseg (yog tias muaj). Muab koj daim ntawv no rau tus kws saib xyuas pawg tsim kev cai. Koj yuav tsum nyob ntawd thiaj li muab tau koj daim ntawv. Pawg sab laj tsuas cia ib tug neeg muab ib daim ntawv xwb, hauv txhua txoj kev sib ntsib. Pawg sab laj tus thawj coj txiav txim seb cov pej xeem yuav los hais lus thaum twg.
- Thaum hu koj los hais lus tim khawv, mus tom ntej thiab zaum ntawm lub rooj uas muaj lub maiv kaus foos. Pib koj zaj lus tim khawv thaum hais tias,“Kom sau hauv ntaub ntawv kuv lub npe yog ______."
- Hais lus rau pawg sab laj hais tias,“Pawg sab laj tus thawj coj thiab pawg sab laj cov tswv cuab.”
- Pib hais tias koj puas pom zoo los sis tsis pom zoo rau txoj kev txiav txim ntawd. Piav me me seb yog vim li cas koj xav li ntawd. Txhawb nqa koj cov lus thaum qhia tej qhov tseeb uas koj paub txog qhov ntawd.
Yuav qhia koj cov lus li cas hauv ntawv
- Xa ntawv txog koj cov lus tim khawv mus rau 600 NE Grand Ave. Portland, OR 97232 mus rau Metro Council (Metro Pawg Sab Laj).
- Sau koj lub npe thiab kev tiv tauj rau koj.
- Xa 10 (kaum) daim luam txog koj cov ntaub ntawv, zoo li daim pheem thib los sis lwm yam ntawv.
- Qhia seb koj cov lus tim khawv puas yog hais txog ib yam uas lawv yuav tham txog hauv pawg sab laj ib txoj kev sib ntsib los sis pej xeem rooj sib hais yav tom ntej no. Yuav tsum txais tej zaj lus tim khawv ua ntej pib txoj kev sib ntsib kom cov lus ntawd yuav nyob hauv kev sib ntsib cov ntaub ntawv.
- Yuav muab ntawv luam txog koj cov lus tim khawv rau pawg sab laj yog tias peb txais cov ntawv no ua ntej pawg sab laj txoj kev sib ntsib ntawd.